NBA-a hlawh hnem ber Brown

Boston Celtics chuan an star player Jaylen Brown an chelh a, kum nga daih contract an ziahpui. Kum 26 mi Brown hian dollar maktaduai 304 a hlawh dawn a, NBA history-a contract hlu ber a ni.

Brown-a agent Jason Glushon chuan Pathianni khan player nen Celtics thuneitute nen indawrin contract an tihfel thu a sawi. Kum 26 mi Brown hian 2028-29 thleng Celtic-ah a cham dawn.

Celtics hian Brown hi 2016 draft-ah khan an lalut a, hemi hnu hian season tinin playoff an khel vek. Chutihrualin mi ṭhahnem tak chuan NBA-a player 10 zingah an tel pha lo a, Celtic bikah pawh Jayson Tatum chu player ṭha zawka ngaih a ni.

Brown hi NBA All Star-ah ṭum hnih a tel tawh a, Tatum hi vawi li a tel tawh thung.