James-a fapa dinhmun a ṭha

Basketball legend LeBron James-a fapa Bronny James chu lungphuchawl vangin buaipui a ngai a, mahse an chhungkaw thupuangtu chuan tunah chuan a dinhmun a ngaihtuahawm loh tih a sawi.

Kum 18 mi Bronny hi University of Southern California (USC) basketball team nen an training a, hetih lai hian lungphuchawl vangin a buai. Damdawi lam thiam ten an enkawl chhunzawm ngal a ni.

James-a te chhungkaw thupuangtu chuan, "Medical team chuan Bronny-a hi damdawi inah an hruai nghal a, a tirah chuan ICU (intensive care unit)-ah dah ngai mah se hun rei tak a awm a ngai lo.

"An chhungkaw zalenna zahsak turin mipui an ngen a, a ṭul chin chu a rang thei angin kan rawn sawi zel ang," a ti. James leh a nupui Savannah te chuan an fapain harsatna a tawh chungchangah lainattu tam tak an nei chu lawmawm an tih thu an sawi bawk.

LeBron James hi kum 38 mi a ni tawh a, a rualpui tam zawk chuan inkhelh an chawlhsan tawh. Kum 2022 August thla khan Los Angeles Lakers tan season hnih daih contract a ziak, hei hi a fapa nen NBA huang chhunga a awm dun theih a beisei vang niin an sawi.