Neymar leh Alvaro ten hremna pumpelh

Hremna hmachhawn thei dinhmuna ding Neymar leh Alvaro te lakah Ligue de Football Professionnel (LFP) chuan hremna a lekkawh dawn lo a, dan pangngai angin league match an khelh chhunzawm zel thei ang.

September 13 khan Paris Saint-Germain leh Marseille an inkhel a, buaina a chhuak. Neymar-a'n Alvaro hi kut a thlak a, yellow card pek a nih zet hnuah red card pek leh hnuhnawh niin, player dang pathum ngawt hnawhchhuah an ni bawk.

Brazilian forward hian kut a thlak chhan chu chi inthliarna rawngkaia ṭawng khum a tawh vang niin a sawi a, Ligue 1 thuneitu sang LFP chuan thil thleng hi an chhui chiang zui nghal a ni.

LFP chuan thil thlen dan leh zawh chian tur hrang hrang a zawh hnuah thutlukna a siam a, red card vanga match hnih khel lo tura an hrem bak chu hremna dang pek ṭul a ti lo - Neymar hian hremna a tawh hmasa hi chu a hmang zo tawh.

Marseille nen an inkhelh ṭuma hnawhchhuah dang Angel di Maria erawh match li khel thei lo tura hrem a ni a, zanin dar 12:30-a Angers an lenchilh hunah Argentine winger hi a la inlan ve thei lo ang.