Timberwolves chak ve ta

NBA regular season kal laia match 13 tlawm zawn tawh Minnesota Timberwolves chuan chak ni hmel an hmu ve ta. Nimin zing khan Timberwolves hian anmahni aia team ṭha zawk Los Angeles Clippers chu 142-115 in an hneh.

Minnesota lamin hnehna an chan theih nan hian Jordan McLaughlin (24 points), Malik Beasley (23) leh Karl-Anthony Towns (22) ten an thawhhlawk hle. Beasley hian 3-points neih tuma vawi 13 a vawm zinga pasarih ngawt a hlawhtling.

Inkhel dangah Los Angeles Lakers chuan Golden State Warriors 125-120 in an hneh a, Lakers lamin season duhawm an hman laiin Warriors erawh an khelh chhiat a inzawm chho zel thung a ni.

Anthony Davis (27 points leh 10 rebounds) leh LeBron James (22 points leh 11 assists) ten double-doubles nei ve vein GSW lakah zahngaihna an lantir lo. Match 39 chak tawh Lakers hi Western Conference lamah an chungnung ber chhunzawm a, vawi 12 chauh la chak Warriors erawh a hniam ber an ni thung.