Kolkata-in Rajasthan an hneh

Indian Premier League-ah Nilaini zan khan Kolkata Knight Riders-in Rajasthan Royals 37 runs in an hneh. Rajasthan hian hmahruaitu nih theihna hun ṭha an bawhpelh a, pathumnaah an awm. Kolkata erawh hnehna a chan zarah pahnihna an invawrh chho thung.

Dubai International Stadium-ah Rajasthan-in vawm hmasak an thlang a, Kolkata-in run 174/6 an siam. Knight Riders tan Shubman Gill a che ṭha leh a, ball 34 aṭangin run 47 a siam. Rajasthan Royals tan target hi umphak theih ni mah se an batsman-te Kolkata lakah an tlu sawp. Run 54 siamtu Tom Curran tih loh chu run 25 siam pha an awm lo a, over 20-ah 137/9 chauh an siam.

Indian Premier League hi United Arab Emirates-ah khelh mek a ni a, zanin dar 7:30 hian Chennai Super Kings leh Sunrisers Hyderabad te an inkhel leh ang.