Upa K. Sangzawna Chess Trophy

Mizoram Online Chess Tournament awm tawh zinga lian ber Upa K. Sangzawna Online Memorial Trophy 2020 chu September 28 khan khelh zawh nghal a ni a, nimin khan Mission Vengah lawmman semna neih a ni.

Mission Veng Chess Club buatsaih inelnaah hian player 102 an tel a, Swiss tournament a nih angin a za vaiin Round 8 khelh a ni a. Pakhatna H. Rampanmawia, Venghlui hian a khingpui zawng zawng a hneh fai vek.

Inelna hi  Vanlalhuma IFS leh Lalzarzova Khiangte te chhungin an sponsor a ni a, Mizoram Online Chess Organising Committee (MOCOC) hriatpuinain inelna hi neih a ni.