Biaktea'n Sreenidi a zawm

Aibawk tlangval R. Lalbiakliana chuan season tharah I League club Sreenidi Deccan a zawm. Hyderabad club hian Biaktea hi Sudeva Delhi aṭangin an lei chhuak.

Biaktea hian season liam ta khan Sudeva tan season ṭha tak a hmang a, match 13 khelh sakin goal thum a khung bakah assist vawi thum a nei bawk.

I League club-a a khelh hma Biaktea hian tualchhung football-ah sulhnu lian tham a hnutchhiah lo. Kum 2017 khan Delhi club hian Aizawlah trial an nei a, hetah hian a inpettling.

Biaktea'n football zir tura Delhi a pan hian kum 13 mi chauh a la ni a, kum 18 a nihin I League-ah goal a khung. Tunah hian kum 19-na a hmang mek a ni.