Rublev hnehtu Altmaier a tlang

Hamburg Open khelh laiah Daniel Altmaier chuan world number 7 Andrey Rublev chu 6-2, 6-2 a hnehin quarterfinal a lut a, inkhel dangah Casper Ruud erawhin hnehna a chang thung.

German rama inelna neihah hian, tualchhung tlangval Altmaier hi world number 61 daih a nih avangin rinkai a ni lo. Mahse, darkar khat leh minute 15 an inkhelh chhungin a chungnung zawk a ni. Zhang Zhizhen leh Yannick Hanfmann inkhela chak zawk a hmachhawn leh ang.

Kar hmasa khan Rublev hian Bastad title a la, clay court-ah a zawna match nga a chak lai a nih avangin a boruak pawh a ṭha hle. Mahse, a match hmasa zawkah pawh a talbuai tawh a, a vannei nawn thei ta lo a ni.

Inkhel dangah Ruud erawhin a khingpui Cristian Garin chu 1-6, 6-2, 6-2 in a hneh. Hnehna changtu Ruud chuan, "A tirah kha chuan Cristian kha kei aiin a khel ṭha zawk, mahse a hnu lamah ka vannei ta zawk," tiin a sawi.