India-in Windies an hneh nuamsa

India-in West Indies lakah Test series an lak hnuin July 27, Ningani zan khan ODI match thum khelh tura hmasa ber an khel a, wicket ngain hnehna an chang.

Kensington Oval, Barbados-a inkhelah India-in vawm hmasak an thlang a, over 23 lekah Windies batter-te vawm hlum vekin 114 runs chauh an pe. Mualneitu tan hian Shai Hope-a'n 43 runs siam ve bawk mah se thlawptu ṭha an nei lo a, an target chhawp hi Men in Blue tan engtham a ni lo.

India bat hun a thleng a, opener Ishan Kishan-a'n 52 runs a siam. Shubman Gill (7), Hardik Pandya (5) leh Shardul Thakur (1) te che ṭha lo mah se target a hniam avangin over 22.5 lekah 118/5 runs siamin hnehna an chang.

ODI match hnihna hi zanin dar 7:00 hian khelhna hmun ngai Kensington Oval, Barbados-ah bawk an khel leh ang.