Santosh Trophy : Mizoram leh Services te group khatah an awm

77th National Football Championship for Santosh Trophy 2023-24-ah team team 38 an tel dawn a, finalist pahnih Karnataka leh Meghalaya te chu final round lut sa an ni ang. Santosh Trophy atana draw hi July 26, Nilaini khan Football House, New Delhi-ah neih a ni a, inelna ṭan hun erawh tih chian a la ni lo thung.

Group Stage-ah hian team 36 chu group parukah ṭhendarh an ni a, Mizoram chu group E-ah Services, Uttarakhand, Pondicherry, Sikkim, Dadra and Nagar Haveli leh Daman and Diu te nen an awm.

Final round hian group tina ti ṭha ber bakah pahnih zinga ti ṭha pali an tling dawn. Inelna hnuhnung berah Mizoram hi Kerala nen group khatah an awm a, inelna thlengtu Kerala an ngam loh avangin pahnih zinga ti ṭha paliah pawh an tel pha lo.

Mizoram hian inelna hnuhnung pahnihah final round an khel pha tawh lo a, Kerala laka an mualpho hma hian inelna thlengtu tho Manipur an ngam loh vangin group stage-ah an tla tawh bawk a ni.

Senior Women’s National Football Championship 2023-24 draw pawh neih nghal a ni a; Mizoram hi group A-ah Manipur, Pondicherry, Rajasthan, Chhattisgarh leh Uttar Pradesh te nen an awm ho a, group stage paltlang a harsa ang.

Group ṭhen dan

Group A: Kerala, Goa, Chhattisgarh, Gujarat, ArunachalPradesh, Jammu & Kashmir.

Group B: Punjab, Haryana, Odisha, Delhi, Ladakh, West Bengal.

Group C: Manipur, Jharkhand, Tamil Nadu, Nagaland, Uttar Pradesh, Madhya Pradesh.

Group D: Railways, Bihar, Chandigarh, Rajasthan, Assam, Himachal Pradesh.

Group E: Services, Uttarakhand, Mizoram, Pondicherry, Sikkim, Dadra and Nagar Haveli & Daman and Diu.

Group F: Maharashtra, Telangana, Andaman & Nicobar, Andhra Pradesh, Lakshadweep, Tripura.