Singapore-ah Liverpool chak nuamsa

Liverpool-in nimin tlai khan Singapore-ah Leicester City nen friendly match an khel a, 4-0 in an chak. Reds tan hian Darwin Nunez, Bobby Clark, Diogo Jota leh Ben Doak ten an khung.

Pre Season-ah Liverpool hian match thum an khel tawh a, goal li vek an la khung. Chutihrualin tun ṭuma an inkhel result lawmawmna chu goal an chhuah lo.

Jurgen Klopp-a hote hian August 2, Nilaini tlai dar 5:00 hian Bayern Munich nen friendly match an khel dawn. August 7, Thawhṭanniah Darmstadt nen friendly match an khel leh ang.

Premier League match hamsa berah Liverpool hian Chelsea a hmachhawn dawn a; August 13, Pathianni zan dar 9:00-ah Stamford Bridge-ah an inkhel ang.