Rin hlawh lo Arantxa Rus a champion

German rama tennis inelna Hamburg Open khelh zawh takah Arantxa Rus a champion. Dutch player hian tualchhung tleirawl Noma Noha chu 6-0, 7-6 (7/3) a hnehin a champion.

Rus-i hi kum 32 mi a ni tawh a, a vanglai pelin tennis a chawlhsan hnai tawh - mahse tun ṭum hi WTA title a lak vawi khatna a ni. Final inkhel hmuhnawm takah hian darkar khat leh minute 45 chhungin hnehna a chang.

Kum 2008 aṭanga professional tennis khel tawh Rus chuan, "Hun rei tak ka nghak a, beidawng duh loa ka beih hram hramna chu a tawpah a hmawr ka bawk ta. A nihna tak sawi chuan a zam a, inkhelh chhung kha rei ka ti hle," tiin a sawi.