Serchhip Kawnpui an champion

31st July, 2023

Serchhip District Football Association buatsaih Season Ending Tournament chu July 28, Zirtawpni khan Serchhip Sports Complex-ah khelh zawh a ni. First Division-ah FC Serchhip Kawnpui an champion a, Second Division-ah Keiṭum I an champion thung.

Inelna hi MNYF sponsor a ni a, July 20, Ningani aṭang khan khelh ṭan a ni. Coach C. Lalrempuia hnuaia khel FC Serchhip Kawnpuiin game mawi an lantir a, an phu ang ngeiin nomawi an hlawh chhuak.

Serchhip Kawnpui hian Gospel Darthanmawia leh Lalramhluna te goal hmangin Vengchhung FC 2-0 in an hneh. Champion lawmman Rs 20,000 bakah Fair Play lawmman Rs 2,000 an dawng a ni.