Pune 7 Aces leh North Eastern Warriors an chak
Premier Badminton League season 5 khelh laiah Ningani zan khan Pune 7 Aces leh North Eastern Warriors te chuan an khingpui Chennai Superstarz leh Mumbai Rockets te chu 5-2 ve ve a hnehin table chung lamah an dinhmun an sawhnghet.
Gachibowli Indoor Stadium, Hyderabad-a inkhelah North Eastern Warriors hian Mumbai hneh turin mixed doubles, women's singles bakah men's singles match hnihah chakin nuamsa takin an chak - point 13 hmuin table-ah pawh pathumna dinhmun an luah.
Table-a pahnihna nilai Pune 7 Aces pawhin an chunga awm Chennai Superstarz an ngam a, point 14 an neih tak avangin Chennai an phak lohna chu point khat chiah a ni tawh; a chung bera awm Chennai dinhmun a him tawh bik lo.
Nizan khan Hyderabad Hunters leh Bengaluru Raptors te an inkhel a, zanin hian Pune 7 Aces leh North Eastern Warriors te hi an intawng zui ve leh thung ang.
Team Dinhmun
1 Chennai Superstarz 20 7 9 4 0 15
2 Pune 7 Aces 15 8 4 3 0 14
3 North Eastern Warriors 20 8 8 3 1 13
4 Awadhe Warriors 15 7 5 2 1 10
5 Bengaluru Raptors 15 3 9 3 0 9
6 Mumbai Rockets 20 2 14 3 1 7
7 Hyderabad Hunters 15 6 6 1 2 6
Note : P - Matches Played; W - Won; L - Lost T; MW - Trump matches won; TML - Trump matches lost; TP - Total Points