India an chak lo

West Indies-in an mikhual India chu ODI match hnihnaah an hneh let a, July 29, Inrinni khan mualneitu hi wicket rukin an chak. ODI match thumna leh tawpna ber hi August 1, Thawhlehni hian Brian Lara Cricket Academy-ah khelh a ni dawn a, heta chak zawk zawk hian series an la ang.

Kensington Oval Barbados-ah Windies-in vawm hmasak an thlang. India opener pahnih Ishan Kishan (55) leh Shubman Gill (34) te che chhe lo mah se player dang an che ṭha lo. Asia Cup a hnaih tawh avangin India hian player enchhin nan an hmang a, captain Rohit Sharma leh Virat Kohli te pawhin an khel lo.

India hian over 40.5-ah 181 runs chauh siamin an thi vek a, Windies-in over 36.4-ah 182/4 runs siamin hnehna an chang. Windies captain Shai Hope chuan 63 runs a siam a, player of the match-ah thlan a ni.