Mane tan kawng an hawng

German club lian Bayern Munich chuan Sadio Mane mamawh tawh loin an inhria a, a tan kawng an hawnsak mek - Saudi Pro League club Al-Nassr nen sawizawm an ni a, he thuziak i chhiar meuh chuan an inrem fel tawh hial mai thei a ni.

Byaern chuan thuchhuah smaini, "Sadio Mane hian a club thar zawm turin imbiakna a kalpui mek a ni," an ti a, Senegalese forward hi Cristiano Ronaldo nen an khel dawn dun dawn niin a lang.

Mane hian season hmasa ṭan dawn khan Anfield chhuahsin, Bayern hi pound maktaduai 35-in a pan a, German football-a a season hmasa berah Bundesliga nomawi chawi nghalin, match 38-ah goal 12 a khung.

Mahse, Mane hian beisei phak loin, April thlaa Champions League-a Manchester City an ngam loh ṭumin, club tana a khelhpui Leroy Sane chu a hnek niin an sawi bawk.

Hetiang boruak karah hian Mane a tlatlum lo telh telh a, tunah chuan chhuah lam hial an sawi ta - kum 31 mi chauh a la nih avangin Al-Nassr tan chuan ani ang player lakluh theih hi lawma zuanpui tham a ni.

Chutihrual chan Al-Nassr hi khawvel huapa Saudi club thawm nei lian hmasa ber tiin a sawi theih a, Mane nen hian mimal thilah inrem lo pawh ni se, Saudi club tan an ram football-ah chuan buaina tur awmin a lang lo.

Al-Nassr hian Ronaldo hnuah Croatia midfielder Marcelo Brozovic, Brazil full-back Alex Telles leh Ivory Coast midfielder Seko Fofana an la lut leh tawh a, Mane-a'n a belh leh ngat a nih chuan he team hi tum an châkawm lo khawp ang.