Leeds-in Magpies keeper an la

Premier League aṭanga tla hlim Leeds United chuan keeper thar an nei a, Newcastle United aṭangin Karl Darlow an thlem lut - a man zat tarlan ni lo mah se, kum thum chhung atan contract ziahpuiin, kum 2026 thleng chu a khel dawn tihna a ni.

Kum 32 mi Karl Darlow hian Nottingham Forest aṭanga a career ṭanin, Newport County leh Walsall-ah loan-in a khel hman bawk. Kum 2015 khan Magpies zawmin, match 100 a inlan thei.

Season hman zawh takah pawh khan Championship club Hull City zawmin, January-ah chauh a pan chungin match 12 a khel hman - vawi nga clean sheet a nei a, Elland Road lam mit tlungin a pan dawn ta.

Leeds hi Cham-pionship aṭanga Premier League khel tura Norwich City vawi hnih ngawt kaihruaitu Daniel Farke chuan a enkawl dawn a, Darlow hma hian Wales defender Ethan Ampadu chu Chelsea aṭangin an lalut tawh.