Man United keeper Onana thawm a na

Manchester United goalkeeper Andre Onana chuan team boruak a siam dawn viau niin a lang, a ball sem thiamna chu an lei chhan pakhat zinga mi ni mah se boruak vaw nungtu a nihna an lei tel tih a lang.

Nimin zing khan Man United hian Borussia Dortmund chu 3-2 in an hneh lo, he inkhelah hian Onana hian defender Harry Maguire leh Brandon Williams te chu an tihsual avangin a hau chiam mai!

Man United defender tihsual vang hian Sebastian Haller chuan hnai takah a duh tawkin a pet theih phah, mahse second half-a luh tir goalkeeper thar Onana hian a lo dang hlauh.

Erik ten Hag-a naute hi season thar inbuatsaih turin US-ah an zin a, nimin zinga Allegiant Stadium, Las Vegas-a an inkhel kha an match khelh tur pathum an khelh zawhna a ni nghal.

Man United hian Arsenal hneh mah se, a hnu lamah Real Madrid leh Borussia Dortmund te an ngam lo. August 5, Inrinni zan hian Old Trafford-ah Lens an mikhual dawn, season thar an match hmasa ber atan August 15-ah Wolves nen an inkhel dawn a ni.