United leh Adidas thawk dun zel dawn

Manchester United leh Adidas chu thawk dun chhunzawm zel turin an inrem. Premier League club leh German company te hi kum 10 chhung atan an inrem a, kum 2035 June thla thleng atan hian pound maktaduai 900 bawrin an inrem a ni.

United leh Adidas inremna hmasa kha pound maktaduai 750 a ni a, hei hi kum 10 kal ta chhung kha a ni. Tuna an inremna thar hi a tlem berah pawh pound maktaduai 900 ni turah an ngai.

United chief executive Richard Arnold chuan, "Manchester United leh Adidas thawhdunna hi infiamna khawvela thil entawntlak leh ṭha tak a ni, a bul ṭanna chu kum 1980 bawr daih tawh kha a ni a, tun hnai thlengin kawng hrang hrangin hma kan sawn zel," a ti.

Adidas hian kum 1980-1992 chhung khan United jersey hi an lo siam tawh, 2015-16 season aṭang khan an lo thawk dun leh tawh a, tunah chuan hun rei zawk atan an inrem leh ta.