Fritz tan nomawi parukna

Pathiannia khelh zawh tak Atlanta Open-ah Taylor Fritz a champion a, seeded pakhatna hian Aleksandar Vukic chu 7-5, 6-7 (5), 6-4 a hnehin champion nomawi a chawi.

American tlangval hian tun season chhungin Delray Beach title a la tawh bawk, hard court-ah nomawi vawi hnih a chawi tihna a ni - US Open atan inbuatsaihna a nei ṭha hle, tennis a khelh hun chhung erawh chuan title paruk a la tling ta chiah.

Tennis season kal laiah Grand Slam khelh tur pali a awm, chung zingah chuan Australian Open, French Open leh Wimbledon an khel zo tawh. August thla tawp aṭangin major tournament hnuhnung ber tur US Open an khel ang.