Godin-a'n boot a khai ta

Uruguayan defender Diego Godin chuan inkhelh a chawlhsan ta. Pathiannia Velez Sarsfield leh Huracan ten Argentina league an khelh kha a match hnuhnung ber a nih thu a sawi.

Godin hian profes-sional match 672 a khel a, goal 38 khungin nomawi 10 a chawi. A vanglai chuan khawvela defender ṭha berte zinga mi niin, a hun tam tak a hmanna Atletico Madrid captain a ni ṭhin.

Spanish club tan hian Europa League nomawi vawi hnih a chawi bakah UEFA Super Cup chu vawi thum ngawt a lakpui. An ram Uruguay chu 2011 khan Copa America nomawi a chawipui bawk a ni.

Kum 37 mi Godin chuan, "Tunah chuan thutlukna ka siam ve a hun ta, hriselin la inkhel thei mah ila taksain a tlin vek loh hun ka thleng ve tawh. Uruguay lamah chhungkua ka ngaihtuah a ngai a, football ni loa nun hman ve a hun ta," tiin a sawi.