Swiatek tan nomawi palina

Iga Swiatek chuan tun season chhunga a nomawi palina a chawi. World number 1 hian an rama khelh BNP Paribas Warsaw Open final-ah Laura Siegemund chu 6-0, 6-1 a hnehin a chungnung ber.

Polish nula Swiatek hian tun season chhungin Doha, Stuttgart leh French Open-ah te hlawhtlinna a lo chang tawh bawk, tennis a khelh hun chhunga title 15 a lak tlinna a ni nghal bawk.

Kum 22 mi Swiatek chuan, "Ka team leh chhungkaw chungah lawmthu ka sawi, a nihna takah chuan Warsaw Open hi khelh nuam ti viau mah ila a awlsam bik lo, min ṭantute hmaa hlawhtlinna chan hi chu a nuam bik ṭhin.

"Keimah chauh ni loin Poland mipuite lawm nan theihtawp ka chhuah a, a tawpa duhthusam a thleng dik ṭhin hi chu tennis nawmna tizualtu a ni," tiin a sawi.

Wimbledon khelh zawh takah khan Swiatek hian quarterfinal a paltlang zo lo, grass court inelna lianah hlawhtling ta chiah lo mah se tournament a khelh leh hmasak berah a hlawhtling.