Lungleiah I Day football

Season danga an lo tih ṭhin angin Lunglei District Football Association (LDFA) chuan I Day Football a buatsaih dawn a, an hnuaia 1st division club-te inelna tur 'Independence Day 2023 Football Tournament' chu vawiin atang hian C. Ṭhuamluaia Mual, Lunglei-ah khelh ṭan a ni ang.

Tournament-ah hian LDFA hnuaia 1st Division club pariat chu group pahnihah ṭhen hran an ni. Group A-ah Chanmari FC, Z&P Memorial FC, Venglai FC leh Farmveng FC te awmin; Group B-ah S.Y.S FC, Zobawk South FC, Electricveng FC leh Zotlang FC te an awm thung a ni.

Vawi khat an inkhelh kual chhuah hnua a sang ber leh pahnihna ten semifinal an lut chho ang.