England an chak nuamsa

Hmeichhe World Cup-ah last 16 lut turin England tan harsatna a awm lo - group stage-a an match hnuhnung berah China chu 6-1 in an hneh a, round of 16 an lut.

Chelsea defender Reece James-a unaunu Lauren James chu England tan a che ṭha takzet a, goal hnih a khung bakah assist vawi hnih a nei - a unaupa ang thoa Chelsea tana khel Lauren hian Alessia Russo leh Lauren Hemp te khung tur a siamsak a, Chloe Kelly leh striker Rachel Daly ten an khung ve bawk.

England defender Lucy Bronze chu minute 57-naah a handball a, video assistant referee hmanga ennawn a nih hnuah China-in penalty hmuin Shuang Wang chuan a khung - hetihlai hian 3-1 a ni a, mahse, England-in goal thum an khung belh avangin China an tlawm chiang.

Group D inkhel dangah Denmark chuan 2-0 a Haiti hnehin last 16 an lut ve bawk a, Pernille Harder chuan penalty hmanga goal hmahruai khungin, hun pek belhah Sanne Troelsgaard chuan a belhchhah bawk.

England hian round of 16-ah Nigeria hmachhawnin, Denmark hian inelna thlengtu pakhat zawk leh group B hmahruaitu Australia an hmachhawn ang.

August 1, Thawhlehni
China 1 - 6 England
CHI: Wang Shuang 57'
ENG: Alessia Russo 4'; Lauren Hemp 26'; Lauren James 41', 65'; Chloe Kelly 77'; Rachel Daly 84'

Haiti 0 - 2 Denmark
DEN: Pernille Harder 21'(P); Sanne Troelsgaard 90+10'

Vawiin Inkhel Tur
Argentina 12:30 PM Sweden South Africa 12:30 PM Italy
Panama 03:30 PM France
Jamaica 03:30 PM Brazil

Group D dinhmun
# Team Pld W D L GF GA GD Pts
1 England 3 3 0 0 8 1 7 9
2 Denmark 3 2 0 1 3 1 2 6
3 China 3 1 0 2 2 7 −5 3
4 Haiti 3 0 0 3 0 4 −4 0