Guler a chawl rei dawn

Real Madrid player thar Arda Guler chu a khup hliam vangin thla hnih tal a chawlh a ṭul dawn. Turkish Messi hminglem an pek Guler hian July thla tir khan Fernerbahce aṭangin Spanish club hi a zawm.

Kum 18 mi Guler hian kum ruk daih contract a ziak a, hmabak êng tak nei mah se Los Blancos tan bul a ṭan lawk dawn lo. Inhliam vangin thla hnih tal a chawlh a ṭul dawn a, chutihrualin an enkawl dan a zirin thla thleng pawha chawl thei a ni.

Real Madrid hian friendly match-ah AC Milan (3-2) leh Manchester United (2-0) te an hneh tawh a, match hnuhnung berah Barcelona (3-0) an hneh lo thung. Guler hi friendly match pathumah hian a la inlan lo. Tukin zing dar 5:00 hian Los Blancos-in Juventus an hmachhawn ang.