Magpies-in Barnes leh Tonali an ngaina dawn

Newcastle boss Eddie Howe chuan an player thar Sandro Tonali leh Harvey Barnes te chu fan-ten an la ngaihnat tur thu a sawi. Magpies hian pre season friendly match vawi li a khelh tawhah chak loh an la nei lo.

Howe chuan, "Min ṭantuten kan player pahnih Sandro leh Harvey te hi an ngaihnat ve ngei ka ring. Sandro hian fak a hlawh a, sulhnu a nei ṭha. Hun rei lote chhung kan awm ho tawhah an sawi ang hi a niin ka hria. Player ṭha tak a nih bakah a rilru put hmang a dik.

"Harvey pawh hi chutiang tho chu a ni. Goal a khung thei a, Premier League-ah season li chhung chu goal a khung tawh a, Leicester tan a pawimawh ṭhin," tiin player tharte a fak.

Magpies hian Premier League match hmasa berah Aston Villa chu August 12, Inrinni hian an hmachhawn dawn a, hemi hma hian Villarreal leh Fiorentina nen friendly match an khel dawn.