Player hliam vangin Marcelo mittui a tla

Real Madrid defender hlui Marcelo chuan Argentinos Juniors defender Luciano Sanchez rap sualin Argentine defender khup ruh chuktuah a pelh a, Brazilian defender hi hnawhchhuah a ni.

Fluminense tana khel Marcelo a vanduai a, mittui tla chungin khelmual a chhuahsan. Inkhelh banah Marcelo chuan, "Hun harsa tak ka tawk a ni. Tihpalh vang liau liauin player ka hliam a, a dam leh thuai ka beisei," tiin a sawi.

Fluminense FC pawhin Argentinos Juniors defender Luciano Sanchez dam leh thuai theih nan thuchhuah an siam a, Argentinos Juniors pawhin, "Kan elpui an ni a, hmelma erawh kan ni lo," tiin tihpalh a ni tih pawm thu an tarlang ve bawk.

Luciano hi Sanatorio Finochietto damdawi inah hruai a ni a, tualchhung media-te chuan Argentine defender hian ngai awh turin thla riat aṭanga thla 12 thleng a mamawh theih thu an ziak.

Inkhel hi Copa Libertadores last 16 a ni a; Diego Armando Maradona stadium, Buenos Aires-ah khelh niin 1-1 in an ihnehtawk. Brazil coach lailawk leh Fluminense coach Fernando Diniz chuan, "Tih palh a ni a, Marcelo kha hnawhchhuhna chhan tur awm lo," tiin a player thlavang a hauh ve bawk.