Indian player an chak

Nimin aṭang khan badminton inelna Australian Open Super 500 khelh ṭan a ni a, India player langsar ten an match hmasa berah harsatna an tawk lo, an khingpui hnehin second round an inhlangkai.

Tun hnaiah Sindhu a khel ṭha lo ṭhin, tournament a khelh hnuhnung pahnihah phei chuan hneh nei loin a tla - tun ṭumah erawh amah ang bawka Indian nula Ashmita Chaliha chu 18-21, 13-21 in a hneh.

Hmeichhe singles inkhel dangah Aakarshi Kashyap pawh a chak, kum 21 mi Kashyap-i hian Badminton World Tour bika a chakna hmasa ber ni turin Malaysian player Goh Jin Wei 21-15, 21-17 in a hneh a ni.

Mipa singles lamah Srikanth chuan Kenta Nishimoto 21-18, 21-7 in a hneh a, inkhel dangah HS Prannoy pawhin Lee Cheuk Yiu lakah 21-18, 16-21, 21-15 a hnehna changin, Priyanshu Rajawat pawhin 21-12, 21-16 in Nathan Tang a hneh bawk.