An club hluiah Lanzini leh Lucas Moura an kir

Tottenham Hotspur winger hlui Lucas Moura chuan kumin chhung atan Sao Paulo a zawm, a naupan laia a club tan a khel leh dawn tihna a ni. Brazilian club chuan an inrem thu hi thuchhuah siamin an tarlang bawk.

Kum 30 mi Moura hi Sao Paulo academy aṭanga inzir chhuak a ni a, kum 2010-12 chhung khan senior team tan a khel bawk - Copa Sudamericana a lakpui hnuin Paris Saint German a pan.

Brazilian player hian kum 2018 khan Spurs a zawm a, player hmuhnawm leh ṭangkai zinga mi a ni ṭhin. Moura chuan, "Ka tan chuan football zinkawnga hun pawimawh tak a inher chhuak leh ta, tunah chuan ka pianna ramah ka kir leh ta a ni," a ti.

Moura ang bawk hian Tottenham tana khel tawh Manuel Lanzini chu West Ham aṭangin River Plate-ah a kir. Argentina club River Plate chuan thuchhuah siamin, "Manuel hian Argentine football tan hlutna sang tak a nei, theihna nei sang leh danglam a ni," an ti a, an club tan chanchin lawmawm a nih thu an sawi bawk.