Citi Open-ah Murray chak

Andy Murray chuan Wimbledon aṭanga a tlak hnuah inelna a hmachhawn ve leh ta. Nimin zing khan Citi Open-ah inlanin, a khingpui American tlangval Brandon Nakashima chu 7-6 (7-5), 6-4 in a hneh.

Kum 36 mi Murray hian Wimbledon second round-ah khan Stefanos Tsitsipas a ngam lo, tunah chuan hard court season a hmang chhunzawm ve leh tawh ang. Tun tournament-ah hian first round chu a bye vangin khelh hah a ngai lo.

Grand Slam vawi thum champion tawh Murray chuan, "A tir aṭangin ka ball vuak a dik hle, service a nata ball vuak hmasa a fuh hi chuan kawng a inhawng thui tawh ṭhin," a ti a, a khingpui Brandon pawh a khel ṭha tih a sawi bawk.

World number 1 hlui Murray hian a match lehpekah chuan Taylor Fritz a hmachhawn ang, seeded pakhatna Fritz hian inkhel dangah amah ang bawka American player Zachary Svajda chu 6-3, 6-3 in a hneh.