Thiem tan final a hnai ve leh ta

Hliamin a tihbuai reng mai Dominic Thiem chuan lawmna tur a nei chho ve leh dawn ta niin a lang. An rama khelh Austrian Open-ah semifinal a lut, final a lut phak a nih chuan tun hnai kum thum chhunga semifinal a paltlang leh vawi khatna a ni ang.

Ningani zan quarterfinal inkhelah, world number 3 hlui Thiem hian a khingpui Arthur Rinderknech lakah set hmasa ber hloh mah se 4-6, 6-3, 6-4 in hnehna a chang let a ni.

US Open champion hlui Thiem chuan, "Ka match hmasa berah khan ka talbuai hle, set hnih chauh khel mah ila a hautak takzet. Match hnihna aṭang chuan boruak a danglam tawh, tun ṭum pawh hi nuamti takin ka khel thei tawh," tiin a sawi.

Thiem hian semifinal-ah chuan nizan khan Laslo Djere a hmachhawn leh a, result kan hre hman lo. Quarterfinal inkhel dangah Djere hian Pedro Cachin chu 6-4, 6-2 in a lo hneh ve thung a ni.

Seeded pakhatna Tomas Martin Etcheverry pawhin set a hloh hmasak hnuah Colombian player Daniel Elahi Galan chu 6-7 (6/7), 6-3, 6-4 in a hneh a, ani hian Alex Molcan 6-4, 6-3 a hnehtu Sebastian Baez a tum ve leh thung ang.