Muallungthuah Chanmari fiahna

GIG Motors I Day Football-ah Chanmari FC-in vawiin chawhma dar 11:00 hian Electric Veng FC an hmachhawn dawn. Inkhelhna tur hi MSSC Ground, Muallungthu a ni dawn a, RG Stadium nen inkhelh dan hmang a inang lo ang.

Chanmari FC hi inpuahchana nei ṭha an ni a, chutihrualin match hmasa bera Aizawl FC an hneh loh hnuah Electric Veng an hneh hram. K. Malsawmkima hote hi an match hnih khelh tawhah beisei an la pha lo.

Mahse, player thar Lalkhawpui-mawia'n bench aṭanga lutin match hnihah goal a khung ve ve. Chutihrualin Mala hna hmasa erawh tlarhnung tihphui a ni ang. Chanmari hian match hnih lekah goal ruk an chhuah.

Electric Vengin point an la hmu lo a, season liam ta nen an danglam tawh. Kuminah chuan Aizawl South Football Academy nen an inthlunzawm a, player naupang rual awm khawmna an ni.

I Day Football hi player enchhin nan an hmang a, tun ṭumah pawh hian beiseina nei sang tawh lo mah se awlsam taka hneh theih an ni lo ang. Tlarhmaah season liam taa Chanmari FC tana khel C. Lalhriatpuia an kawl a, Mala hote tan ngaihthah a thiang lo ang.