Leicester tan Dewsbury-Hall

Premier League aṭanga relegate Leicester City chuan Championship-a an match hmasa berah Coventry City chu 2-1 in an hneh. King Power Stadium-ah Convetry-in Kyle McFadzean hmangin goal khung hmasa mah se Foxes-in Kiernan Dewsbury-Hall goal hnih hmangin an lehthal.

Championship hi Inrinni aṭanga khelh ṭan kha a ni a, zanin hian League Cup first round khelh ṭan a ni dawn bawk. League Cup first round-ah hian Championship (24 clubs) bakah League One (24) leh League Two (24) club te an tel dawn a, second round aṭangin Premier League club 12 te an tel ang.

Europe inelna khel pha Premier League club-te chu third round aṭangin an khel ṭan chauh ang. Leicester City hian August 9, Nilaini zanah Burton an hmachhawn dawn a ni.