Hmeichhe football-ah Dream Final

I Day Hmeichhe Football final-ah Hrangbana College leh Pachhunga University College te an inkhel dawn. Nomawi inchuhna hi August 15, Thawhlehni hian Lammualah neih a ni ang.

Nimin khan league round match hnuhnung ber Lammualah khelh a ni a, final lut tura chak mamawh PUC-in T Romana College lakah goal 10 an khung. Final lut chiang tawh Hrangbana College-in Mizoram U17 Girls 4-0 in an hneh ve bawk.

HBC leh PUC hi group match-ah an inhnehtawk tawh a, team ṭha pahnih an ni. Chutihrualin Dream Final a nih chhan tak erawh college pahnih hi mipa football-a an inhmachhawn tawh chuan boruak a sang ṭhin.

Aizawla college kal chuan PUC leh HBC boruak sanzia an hre vek. Tun ṭuma hmeichhe final pawh hi a boruak a nep ring suh.