India aiawh tur Mizo Arm Wrestler pahnih

August 11, Zirtawpni aṭanga neih tur Indo/Bangla Arm Wrestling Championship-a tel turin, Mizo Arm Wrestler pahnih Benjamin Lalawmpuia Ralte (100kg) leh VL Zothansanga (Matetea 75kg) te chu India team-a tel turin thlan an ni.

Mizo tlangval pahnih hian nimin khan inelna hmachhawn tur hian Mizoram an chhuahsan. Benjamin Lalawmpuia Ralte hi tun dinhmunah India ram Champion of The Champions (COC) ni lai mek a ni bawk.

Championship an khelh tur hi India leh Bangladesh inelna tur tia sawi theih a ni. India leh Bangladesh-a senior arm wrestler, mahni weight ṭheuha champion ve ve zel te an zuk intum dawn. Denic Lalruattluanga pawh India team a tel tur hian thlan ni mah se harsatna engemaw avangin ani hi a kal ve thei dawn ta lo.