Goa-in Shillong Lajong an sawp

Durand Cup khelh mekah nimin khan Indian Super League club FC Goa chuan 6-0 in Shillong Lajong an sawp a, Goan club tan Noah Sadoui chuan hattrick a siam - Shillong club tan Morrocan forward a ṭha lutuk hret.

Goa tan Sadoui bakah hian Rowllin Borges, Odisha aṭanga an lakluh Victor Rodriguez leh Spanish second division club Andorra aṭanga Goa zawmtu Carlos Martinez ten goal khat ṭheuh an khung a, season thara I League khel tur Shillong Lajong lamin a chhanletna tur an nei lo.

ISL club FC Goa hian an ṭhat danin squad an rem a, Mizoram player Ayush Chhetri pawh bul ṭantu zingah telin, Sandesh Jhingan leh Sadoui te pawhin bul an ṭan a, Lajong tan ISL club an 'u' hret!

Lajong hian an match hmasa berah NorthEast United FC chu 4-0 in an lo ngam lo tawh bawk a, hmarchhak aṭanga Indian top flight league khel hmasa ber Lajong tan knockout round luh beiseina a bo.