Weghorst-a'n Hoffenheim a zawm

Hoffenheim chuan nimin khan Burnley aṭangin loan hmangin Wout Weghorst an lakluh thu an puang. Dutch striker Weghorst hian August 8, Thawhlehni khan medical test a paltlang tawh a ni.

Kumin January thla khan Manchester United-in Weghorst hi loan-a a khelhna Besiktas aṭangin an la chhuak. Kum 31 mi Dutch striker hian Man United hi League Cup-ah a champion pui a, season chanve chhungin match 31 a khel hman hial.

Mahse, Weghorst hian league-ah goal a khung lo a, inelna hrang hrangah erawh goal hnih a khung thung. Man United-in an lak ngheh loh avangin Weghorst hi Burnley-ah a kir a, Clarets ṭantuten an au el.

Burnley boss Vincent Kompany ruahmannaah Weghorst a tel a rinawm lo a, hei vang hian German club Hoffenheim a pan hi mak lo.