Man City-in Paqueta an duh

Manchester City chuan West Ham United midfielder Lucas Paqueta lakluh an tum a, Brazilian midfielder hian Etihad Stadium pan a duh niin an sawi bawk.

Club pahnih hi a thuphungin Paqueta chungchangah hian an indawr tawh a, City-in an ngamna zat hi pound maktaduai 70 vel niin Hammers phalna zat a la ni pha lo.

Man City hi a la beidawng lo a, Paqueta lak tumin London club hi an dawr leh ang. Pep Guardiola-a'n Paqueta hi a ngaina sa a, Brazilian midfielder pawh hian agent atana Roc Nation Brazil a hman hnuah Etihad Stadium pan hi a châk lehzual nia sawi a ni.

Kum 25 mi Paqueta hi season liam taa Hammers-in Conference League an champion-na kawngah player pawimawh a ni a, Brazil tan pawh match 42 zet a khel tawh a ni.