India an chak ve ta

India-in an mikhualna ramah T20 match hnih a zawna an tlawm hnuin August 8, Thawhlehni zan khan chak hmel an hmu. West Indies-in bat hmasak an thlang a, India hian target 160 runs chu over 17.5-ah 164/3 runs siamin an umpha a, wicket sarihin hnehna an chang.

Windies opener Brandon King-a'n 42 runs siam mah se a strike rate a ṭha tawk lo a, Rovman Powell-a'n thi loin ball 19 lekah 40 runs siam mah se an che ṭha tlai hret. Mualneitu hian over 20-ah 159/5 runs chauh an siam.

India opener pahnih Yashavi Jaiswal (1) leh Shubman Gill (6) te che ṭha lo mah se batter dang pathum Suryakumar Yadav (83) bakah Tilak Varma (49*) leh captain Hardik Pandya (20*) hmangin harsatna nei loin hnehna an chang.

West Indies hian 2-1 in series-ah hma an la hruai a; August 12, Inrinni zan dar 8:00 hian match hnihna khelh leh a ni ang. Match tawpna ber pawh August 13, Pathiannia khelh lehnghal tur a ni.