Bielsa Vs Guardiola

Zanin dar 10:00-ah Leeds United-in Elland Road-ah Manchester City an mikhual dawn. Man City manager Pep Guardiola-a'n a manager ngaihsan Leeds manager Marcelo Bielsa a hmachhawn dawn tihna a ni.

Bielsa chuan, "Guar-diola khelh dan zirtirtuah ka inngai lo. Guardiola hian a team hi midang khelhtir loh danin a khelhtir a, a khelh dan hi ama kut chhuak liau liau a ni. 

"A thlir dan a dang a, midang hmuh loh a hmu. Football khelh dan ṭha tak a hmu chhuak a, khelmuala lantir tur pawhin hun a duh lo. Khawvel football team awm tawha mi tak takin ṭha bera an ngaih chu Guardiola enkawl Barcelona kha an ni," tiin Guardiola a fak hle.

Zanin hian manager ṭha pahnih hi an inhmachhawn dawn a, an team enkawl erawh a inang lo. Manchester City-in khawvela team ṭha ber din tumin sum tam tham tak an seng tawh a, Leeds erawhin game mawi khel chungin Premier League a inham tan an tum thung.