Veteran I Day Football: Vawiinah semifinal khelh a ni dawn

GIG Motors Veteran I Day Football Tournament semifinal chu vawiin hian 1st Bn MAP Ground, Armed Vengah khelh a ni dawn. Champion lai G90's Mizoramin chawhma dar 11:00-ah Aizawl Veteran an hmachhawn dawn a, G90's tan fiahna hautak a ni ang.

Chawhnu dar 1:30-ah Chanmari Veteran leh 2K Generation te an inkhel dawn a, team pahnihah hian player ṭha an ṭhahnem hle. 2K Generation-ah S. Malsawmtluanga (Mama) bakah Mizo trio tia sawi ṭhin player pathum zinga pahnih Jerry Zirsanga leh Vanlalrova te an tel a ni.