Weightlifting inelna nei mek

Nimin aṭang khan 4th Youth (Boys & Girls) 13th Junior leh 18th Senior Men and Women Mizoram State Level Weightlifting Championship neih a ni. Inelna hi Weightlifting Academy, Ramhlun Sports Complex-ah neih niin vawiinah an khar ang.

Mizoram aṭanga lifter tha an inlan a, Army Sports Institute Pune aṭangin lifter paruk lai an rawn tel bawk. India Weightlifting Federation-in state huanga inelna an hmachhawn loh chuan National Championship hmachhawn a rem ti tawh lo a, chuvang chuan state level championship hi a pawimawh hle.

Championship-ah hian club pasarih aṭangin mipa 53 leh hmeichhia 35 an vaiin players 88 an tel. Vawiin a kharna hunah hian Commonwealth Youth Gold medalist chawimawina hun hman a ni dawn a, sports minister Robert Romawia Royte chuan a hmanpui ang.