Chennaiyin-in Hyderabad an hneh

Durand Cup khelh meka an match hmasa berah Chennaiyin chuan hnehna an chang nghal a, anmahni ang thoa Indian Super League club Hyderabad FC chu 3-1 in an hneh.

Guwahati khawpuia inkhelah goal hmasa ber hmu turin nghah rei a ngai lo. Hyderabad captain Chinglensana Singh chu inkhel ṭantirah tihtluk a ni a, Manipur defender hian ama penalty hlawhchhuah hi minute lina lekah goal-ah a chantir.

Hyderabad an hlim a, Chennaiyin an chhaih thinrim tihreng an inhre lo - HFC lamin goal an khung aṭanga minute hnihna lekah Hyderabad defender thar Alex Saji chuan an lamah a tilut a, minute 10 pawh a thlen hmain 1-1 a ni der!

Chennaiyin an hawikir tawh lo - Scottish Premiership club Motherwell aṭanga an lakluh Connor Shields leh Jamshedpur FC striker hlui Jordan Murray te chuan goal khat ve ve an khung ve leh a, 3-1 in Chennaiyin an chak.

Hyderabad hian an match hmasa berah I League club Delhi FC chu 1-1 in an lo inhnehtawkpui tawh a, Chennaiyin laka an tlawm leh tak avangin Nijams (Hyderabad sawina) tan beisei la bo lo mah se knockout round lut turin midang result-a an innghah tel a ṭul tawh ang.