West Ham-in right back thar nei

Premier League club West Ham chuan Czech Republic right back Vladimir Coufal chu Slavia Prague aṭangin pound maktaduai 5.4-in an lalut a, kum thum chhung atan contract an ziahpui. 

Czech Republic tana vawi riat inlan tawh defender contract hi a ṭul dan a zira kum hnih dang pawhsei theih tura tih a ni a, kum 28 mi defender chuan, "West Ham-in min duh thu hi rei tak ka lo hre tawh a, a tawpah ka zawm theih tak avangin ka hlim hle," a ti. 

West Ham hian Slavia Prague aṭang tho hian Tomas Soucek chu an lo lalut tawh a, January a loan hmanga an hawh, nipui transfer a a ngheta an lakluh Soucek pawh hi Czech Republic international tho a ni. 

Hammers hian Pathianni tlai dar 4:30-ah Leicester City an len-chilh ang.