Khawzawlin semifinal khel dawn

Sikkim Football Association (SFA) in Independence Day Cup khelin Khawzawl Vengthar an feh chhuak a, Mizoram aiawha kal team hian vawiin chawhnu dar 2:00 hian semifinal-ah Bengaluru club Kodagu FC an hmachhawn dawn.

Paljor Stadium, Gangtok-a inelna naihah Khawzawl Vengthar hian quarterfinal-ah Sikkim team Brotherhood FC chu 3-1 in an hneh a ni.

Coach PC Lalchhanchhuaha (Lalnaua) chuan, "Sikkim pawn aṭangin sawm bik team pali kan tel a, tualchhung club ṭha pali an tel bawk. Player ṭha tak tak hmuh tur an awm, chutihrualin keini pawh kan thawhhona a ṭha, beisei kan nei sang ve hle," tiin Vanglaini a hrilh.