India-in series an la thei ang em?

India-in West Indies tlawhin T20 series an khel mek a, Men in Blue hi match hmasa pahniha an tlawm hnuin match thumnaah hnehna an chang. Mualneitu Windies hian 2-1 in hma an hruai mek a, match khelh hmabak pahnih hi zanin leh August 13, Pathianni zana khelh tur a ni.

Central Broward Park-ah T20 match thumna hi khelh tur a ni a, India hian player tawnhriat nei tlem zawkte enchhin nan a hmang. Hardik Pandy-a'n captain hna a chelh a, hnehna an chan ṭumin opener Yashasvi Jaiswal ṭha lo mah se Tilak Varma erawh thi loin 49 runs a siam.

India hian West Indies-a an zin zawh hian Asia Cup leh Cricket World Cup an khel dawn a, inelna lian pahniha tel duh tan match hnuhnung pahniha chet ṭhat hi a pawimawh dawn a ni.