Murray inkhel chhunzawm thei lo

Canadian Open khelh lai aṭangin Andy Murray chu a inhnukdawk, world number 1 hlui hian last 16-ah Jannik Sinner hmachhawn tur ni mah se, a dul hliam vangin a inlan thei dawn lo a ni.

Kum 36 mi Murray chuan, "Ka inkhel thei lo hi pawi ka ti, fans besei ang ka thleng thei lo hi a hrehawm hle. Toronto Masters bik phei chu kumin hi ka inlan tawpna a ni tawh hial mai thei," tiin a sawi.

Hmeichhe inelna lamah erawh Iga Swiatek a chak. Ruah surin hun rei tak a tihbuai hnuin world number 1 Swaitek hian Karolina Muchova chu 6-1, 4-6, 6-4 in a hneh–French Open final ang bawk khan Swiatek a chak nawn.

Coco Gauff pawh a chak–American tleirawl hian Wimbledon champion Marketa Vondrousova chu 6-3, 6-0 in a hneh. Gauff hian quarterfinal-ah chuan Jessica Pegula a hmachhawn leh ang.