Khawzawlin final an lut

Sikkim Football Association (SFA) buatsaih Independence Day Cup khelh laiah Mizoram aṭanga inlan Khawzawl Vengthar chuan final an lut.

Inrinni khan Paljor Stadium, Gangtok-ah semifinal khelh niin, Khawzawl Vengthar hian Bengaluru team Kodagadu FC chu 2-0 in an hneh. K. Lalkrossmawia leh team captain Lalṭhakima te chuan goal an khung.

August 15, Thawhlehni chawhnu dar 2:00-ah final khelh tur niin, semifinal lehlamah Himalayan FC (Sikkim) leh Sikkim Police XI te an intawng ve thung a, nizan inkhel result kan hre hman lo - a chak zawk nen nomawi an inchuh ang.