Kolkata derby-ah East Bengal chak

Inrinni khan Durand Cup-ah Kolkata derby khelh a ni a, inkhel boruak sang takah 1-0 in East Bengal an chak - goal awmchhun hi Nandhakumar Sekar khung a ni a, Mohun Bagan lamin a chhanletna tur an nei lo.

Season bul ṭanna tournament chauh ni mah se team pahnih hian an squad neih ṭhat ber ber an thawhchhuahpui a, a tawpah chuan Mizo tlangval Lalchungnunga leh Vanlalpeka Guite te khelhna East Bengal an chak ta zawk.

Bagan hi coach JUan Ferrando chuan kaihruaiin, defender Brendan Hamill, Anwar Ali, midfielder Hugo Boumous, Anirudh Thapa leh Liston Colaco te ho bul ṭantu zingah an tel a, East Bengal pawh hi coach Carles Cuadrat chuan kaihruaiin, forward Javier Siverio, midfielder Saúl Crespo, defender Harmanjot Singh Khabra leh Chungnunga te hoin bul an ṭan a, a tawpah East Bengal an chak.

East Bengal leh Bagan hian knockout round luh beiseina an la nei ve ve - Inrinni inkhel dangah NorthEast United leh FC Goa chu 2-2 in an inhnehtawk.

Highlander tan Manvir Singh leh Sandesh Jhingan (own goal) ten goal khat ve ve an khung a, Goan club tan Rowllin Borges chuan khungin, Noah Sadaoui chuan penalty aṭangin a khung bawk - club pahnih hian point li ve ve hmuin, knockout round luh beiseina an la nei ve ve.