Fulham player thar Traore

Spain winger Adama Traore chuan nipui transfer-a Wolverhampton Wanderers a chhuahsan hnuah, free transfer-in Fulham a zawm a, kum hnih atan contract a ziak - a contract hi a ṭul dan a zira kum khat dang pawhsei theih tura tih a ni.

Kum 27 mi Traoré hian Barcelona aṭanga a career ṭanin, Aston Villa leh Middlesbrough tana a khelh hnuin kum 2018 khan Wolves a zawm, January 2022 khan Barca-ah loan-in a kir a, a ngheta lakluh theihna dan awm mah se Catalan club hian Wolves lamah an kirtir.

Season hman zawh takah khan Wolves tan match 40 khela goal thum khungin, assist vawi hnih a nei a, contract thar ziak loin Fulham a pan ta. Traore chuan, "Hringnun bung thar keu turin ka tan hun pawimawh a ni.

"Ka phur a, 100% pe turin ka inpeih. He club hi ka ngaina a, he club nuam ti tak Raul hnen aṭangin club chanchin ka hre nual bawk," a ti - Wolves tana a khelhpui ṭhin Raul Jimenez hian July thla khan Wolves hi a lo zawm tawh.